جب مجھے اپنے بلاگ پر کوئی پرانی تحرير تلاش کرنا ہوتی تھی تو اس کا عنوان گوگل ميں لکھ کر تلاش کرتا تو اس کا ربط مل جاتا تھا ۔ کچھ دن قبل مجھے ضرورت پڑی تو ميں نے اسی طرح تلاش کرنے کی کوشش کی مگر نہيں ملا ۔ پھر ميں نے بلاگ کا عنوان ” ميں کيا ہوں” لکھ کر تلاش کيا تو بھی کچھ نہ ملا ۔ آج ميں نے اپنا نام اُردو ميں لکھ کر تلاش کيا تو کچھ پوسٹس ظاہر ہوئيں
ميں اس وقت حيران ہوا جب ميرے نام کے ساتھ اُردو مجلس کا نام بھی آيا جبکہ عرصہ ہوا احتجاج کے طور پر ميں نے اُردو محفل چھوڑ کر اپنی ساری تحارير مٹا دی تھيں ۔ اس ربط کو کھولا تو SJK صاحب نے ميرے بلاگ سے وہاں کافی ساری تحارير ميرے نام سے نقل کی ہوئی تھیں ۔ يہ ميرے مہربان کون ہيں ؟
مدد چاہيئے
کوئی صاحب اس سلسلہ ميں ميری مدد فرمائيں کہ کيا ہوا ہے جس کی وجہ سے ميرا بلاگ گوگل سرچ سے باہر ہو گيا ہے اور يہ کہ ميں کيا کروں کہ مجھے پہلے کی طرح بلاگ پر اپنی تحارير کے ربط گوگل سرچ پر مل جايا کريں ؟
یہ شاید گوگل کی نگاہ میں ڈپلیکیٹ کانٹینت کا معاملہ ہو گیا ہے کیونکہ ان صاحب نے دوسری جگہ آپکا مواد شائع کر دیا ہے۔
میری معلومات کے مطابق SJK صاحب نہیں’ صاحبہ ہیں۔ جن سے آپ اردو مجلس کے فورم پر موجود ان کی پروفائل سے رابطہ کرسکتے ہیں۔
دوسرا یہ کہ اردو مجلس اور اردو محفل دو مختلف اردو فورمز ہیں۔ ممکن ہے آپ نے اردو محفل سے کنارہ کشی اختیار کی ہو لیکن اردو مجلس پر آپ کے / کی مداح نے آپ کی قیمتی باتیں محفوظ کرنے کی خاطر یہ قدم اٹھایا ہو۔
سرچ انجن کے معاملے میں احمد عرفان صاحب سے متفق ہوں۔ یہ بھی ممکن ہے کہ بعض ممالک اور پی ٹی سی ایل پر بلاگ نہ کھلنے کا مسئلہ اس کی وجوہات میں شامل ہو۔ اس کے لیے آپ الفاظ کے ساتھ
site:www.theajmals.com
لکھ کر کوشش کریں۔ ممکن ہے افاقہ ہوجائے
مجھے تو SRK کا پتہ ہے شاہ رخ خان
اسماء بتول صاحبہ
شاہ رخ خان آپ کی کسی ہم جماعت کا نام ہے ؟
محمد اسد صاحب
آپ نے درست کہا ۔ ميں مغالطے ميں تھا ۔ يہ مجلس ہے اور ميں محفل کی بات کر رہا تھا ۔
دوسرا مسئلہ گوگل کی نئی ورشن [version] سے ہوا ہے
میرے پاس گوگل میں “میں کیا ہوں” لکھنے پر پہلا نام آپ کی سائٹ کا ہی آیا ہے۔ میں کون ہوں لکھنے پر فیصلیات کا نتیجہ آیا
السلام علیکم،
محترم اجمل صاحب، معذرت چاہتی ہوں آپ کی تحریر مجلس پر پوسٹ کیں، اصل میں بہت چھوٹی چھوٹی نصحیتوں میں بہت گہری باتیں ہوتی ہیں، جس سے بذات خود مجھے بہت سیکھنے کا موقع ملا۔
اسی سوچ کے ساتھ وہاں بھی پوسٹ کیا کہ باذن اللہ آپ کی تحریر سے دوسرے لوگ بھی فائدہ اٹھائیں، جو لوگ عمومی طور پر بلاگ پر نہیں آتے۔
جزاکم اللہ خیرا!! اللہ تعالی آپ کو ہر ہر حرف پر بہترین اجر عطا فرمائیں۔ آمین۔
والسلام
س ج ک صاحبہ
تشريف آوری کا شکريہ ۔ معذرت کيسی ؟ مجھے تو خوشگوار حيرت ہوئی تھی کہ ميری باتيں کسی نے ميرے ہی نام سے آگے بڑھا کر مجھے عزت بخشی
اللہ آپ کو سدا صحتمند خوش اور خوشحال رکھے
ميں آپ کی ميرے لئے اتنی اچھی دعا کيلئے بھی مشکور ہوں
السلام و علیکم انکل،
گوگل ایک کونٹروورشل سرچ انجن ہے، بہت ساری سرچ ٹرمز جو کہ مغرب کے حق میں یا کسی اور گوورنمنٹ کے حق میں نہیں ہوتیں، بلاک کر دی جاتی ہیں اور یہ صرف کسی نہ کسی کے کہنے پے کیا جاتا ہے، یعنی گوگل کو انٹیمیٹ کیا جاتا ہے تب یہ کچھ سرچ رزلٹ بلاک کرتا ہے-
عبيد فاروق صاحب ۔ و عليکم السلام و رحمة اللہ
شکريہ ۔ آپ نے ايک اچھی اطلاع دی ہے ۔ ايسا ہو سکتا ہے ۔ اس سے قبل مہربانوں نے ميرے بلاگ کو پورنو کہہ کر سعودی عرب اور متحدہ عرب امارات ميں بلاک کروا ديا تھا ۔ اللہ کی مہربانی سے آپ کی طرح کے قاری صاحبان کی مدد سے ميرا بلاگ کھول ديا گيا