پہلے تازہ خبر ۔ ابھی ابھی یعنی صبح 8 بج کر 49 منٹ اور 55 سیکنڈ پر اسلام آباد میں زلزلے کے جھٹکے محسوس کئے گئے

میں جب چھٹی یا ساتویں جماعت میں پڑھتا تھا [1949ء] تو انگریزی کے رسالے میں ایک بند پڑھا تھا جو میں کبھی نہ بھُول سکا ۔ اُس کا میں نے اُردو میں ترجمہ کر کے اپنے دوستوں سے داد و تحسین وصول کی ۔ کسی ساتھی نے ہمارے اُستاذ صاحب کو بتا دیا ۔ اُس زمانہ میں اگر اُستاذ صاحب ہمیں بلائیں تو جان ہی خانے سے جاتی تھی سو ہوا یہی کہ ایک بڑی جماعت کا لڑکا آیا اور کہا کہ فلاں اُستاذ صاحب بُلا رہے ہیں ۔ میرا حال ہوا کہ کاٹو تو لہو نہیں ۔ ایک ایک من کا ایک ایک قدم اُٹھاتا پہنچا ۔ اُستاذ صاحب نے پوچھا “یہ تم نے لکھا ہے ؟” مجھے نہ کچھ نظر آ رہا تھا اور نہ کچھ سُنائی دے رہا تھا ۔ جب تیسری بار اُستاذ صاحب نے میرے کندھے پر ہاتھ پھیرتے ہوئے کہا” بیٹا ۔ میں پوچھ رہا ہوں کہ یہ تم نے لکھا ہے ؟ ” پھر جب اُنہوں خود ہی کہا “آخر ایسے جماعت میں اوّل نہیں آتے”۔ تو مجھے سمجھ میں آیا کہ استاذ صاحب کیا کہہ رہے تھے ۔ میں نے ہاں میں سر ہلایا تو کہنے لگے “شاباش ۔ یہ میں اپنے پاس رکھوں گا ”

جو جانے اور نہ جانے کہ جانے ہے ۔ سویا ہے ۔ جگا دو
جو نہ جانے اور جانے کہ نہ جانے ہے ۔ سادہ ہے ۔ تربیت دو
جو نہ جانے اور نہ جانے کہ نہ جانے ہے ۔ احمق ہے ۔ دُور رہو
جو جانے اور جانے کہ جانے ہے ۔ عقلمند ہے ۔ تقلید کرو

انگریزی کا بند یہ تھا

He, who knows and knows not he knows, is asleep. Awake him
He, who knows not and knows he knows not, is simple. Teach him
He, who knows not and knows not he knows not, is fool. Shun him
He, who knows and knows he knows, is wise. Follow him

چند روز قبل ہی بازار میں فروخت کیلئے پیش ہونیوالی ڈیوڈ ای سینگر کی تحریر کردہ کتاب میں دعویٰ کیا گیا ہے کہ امریکی خفیہ ادارے پاک فوج کے افسران کی ٹیلیفون پر بات چیت سن رہے تھے اور جاسوس طیاروں کے ذریعے حملوں کا فیصلہ ایسی ہی اعلیٰ سطح کی گفتگو سننے کے بعد کیا گیا جس میں طالبان کو پاکستان کیلئے ”اسٹریٹجک اثاثہ“ قرار دیا گیا تھا۔ ”دی اِن ہیریٹنس ۔ امریکی طاقت کو درپیش چیلنجز اور وہ دنیا جس کا اوباما کو سامنا ہے“ کے نام سے تحریر کردہ کتاب میں دعویٰ کیا گیا ہے کہ پاکستانی علاقوں پر حملوں کا فیصلہ اس وقت کیا گیا جب سی آئی اے اس نتیجے پر پہنچ گئی کہ آئی ایس آئی مکمل طور پر طالبان کا ساتھ دے رہی ہے۔ نیشنل سیکیورٹی ایجنسی [این ایس اے] نے ایسے پیغامات کا سراغ لگایا جن سے اشارہ ملتا تھا کہ آئی ایس آئی کے افسران افغانستان میں ایک بہت بڑا بم حملہ کرانے کیلئے منصوبہ بندی میں طالبان کی مدد کر رہے ہیں تاہم اس کا ہدف واضح نہیں تھا۔ چند روز کے بعد قندھار جیل پر طالبان نے حملہ کیا ا ور سیکڑوں طالبان کو رہا کرالیا۔

اگر کتاب میں عائد کردہ الزامات درست ہیں تو جنرل اشفاق پرویز کیانی پاکستانی فوج کے دوسرے سربراہ ہونگے جن کی گفتگو امریکیوں نے سنی ہے۔ قبل ازیں ایف بی آئی نے صدر پرویز مشرف کی بینظیر بھٹو کیساتھ ہونیوالی وہ گفتگو سنی تھی جب پرویز مشرف نے انہیں دھمکی دی تھی کہ پاکستان میں ان کی سلامتی کا انحصار انکے [پرویز مشرف] ساتھ تعلقات پر ہے۔ بھارتیوں نے بھی جنرل پرویز اور جنرل عزیز کی گفتگو اس وقت ریکارڈ کی تھی جب کارگل جنگ کے دوران جنرل پرویز مشرف بیجنگ میں تھے۔ مصنف، جنہیں ایسا محسوس ہوتا ہے کہ 20 جنوری کو جارج بش کے صدارت چھوڑنے سے قبل وائٹ ہاؤس میں منعقد ہونیوالے متعدد اجلاسوں میں خفیہ ریکارڈ تک براہِ راست رسائی دی گئی تھی، نے کتاب میں یہ بھی انکشاف کیا گیا ہے کہ این ایس اے پہلے بھی ایسی گفتگو سن چکی ہے کہ پاکستان آرمی کے یونٹس قبائل میں اسکول کو نشانہ بنانے کی تیاری کر رہے ہیں۔ کچھ لوگ پیشگی انتباہ کر رہے ہیں کہ کیا ہونیوالا ہے۔ کتاب میں کہا گیا ہے کہ انہوں نے لازماً 1-008-HAQOANI
ڈائل کیا ہوگا۔ یہ بات اس شخص نے کہی ہے جو اس سے آگاہ تھا۔

ایک اور پیرا گراف کے مطابق اسکول کو بھیجی گئی وارننگ کی تفصیلات تقریباً مضحکہ خیز تھیں۔ اس میں کہا گیا تھاکہ ”اوئے! ہم تمہاری جگہ کو چند روز میں نشانہ بنانے والے ہیں لہٰذا اگر وہاں کوئی اہم آدمی موجود ہے تو اس سے کہو کہ وہ چیخ و پکار کرے“۔ کتاب میں یہ بھی دعویٰ کیاگیا ہے کہ امریکا کو ان زمینی حقائق سے پوری آگاہی تھی اور انہوں نے پاکستانی علاقوں میں اس وقت حملے کرنا شروع کئے جب انہوں نے سوچا کہ پاکستانی فوج اور خُفیہ ادارے طالبان سے لڑنے میں مزید دلچسپی نہیں رکھتے۔

کتاب کے باب نمبر 8 ”کراسنگ دی لائن“میں پاکستان کے حوالے سے مصنف نے یہ انکشاف بھی کیا ہے کہ کس طرح پاک فوج کے ایک میجر جنرل نے امریکی جاسوسی ادارے کے سربراہ مائیک میک کونیل کے سامنے دانستہ پاک فوج کے پورے خفیہ منصوبے کو کھول کر رکھ دیا تھا۔ کتاب میں کہا گیا ہے کہ امریکا کے خفیہ ادارے یہ بات اچھی طرح جانتے تھے کہ پرویز مشرف ان کیساتھ ڈبل گیم کھیل رہے ہیں ۔ ایک جانب تو وہ امریکا کو یقین دلاتے تھے کہ صرف وہی طالبان کے خلاف لڑ سکتے ہیں تو دوسری جانب وہ عسکریت پسندی اور عسکریت پسندوں کی پشت پناہی کر رہے تھے۔ پرویز مشرف کے دُہرے معیار کا ریکارڈ جانا پہچانا تھا۔
مصنف نے پاکستان پر یہ باب امریکا کے دو اعلیٰ خفیہ اداروں کے سربراہان مائیک میک کونیل اور مائیکل ہیڈن جن کی عرفیت ” Two Mikes
” تھی کے خفیہ دوروں کی بنیاد پر تحریر کیا ہے۔ انہوں نے جنرل پرویز مشرف سمیت پاک فوج کے اعلیٰ افسران کے ساتھ متعدد ملاقاتیں کی تھیں۔ مصنف نے تحریر کیا ہے کہ مئی 2008ء کے آخر میں میک کونیل نے پاکستان کا خفیہ دورہ کیا جو نیشنل انٹیلی جنس کا ڈائریکٹر بننے کے بعد ان کا چوتھا یا پانچواں دورہ تھا اور اس کے نتیجے میں بش انتظامیہ کے آخری دنوں میں پاکستان میں سرحد پار سے خفیہ ایکشن بہت زیادہ بڑھ گیا تھا

مالاکنڈ بشمول سوات میں تباہی اور خُون خرابہ بسیار کے بعد کل یعنی 15 فروری 2009ء کو صوبہ سرحد کے حکومتی اہلکاروں نے صوفی محمد کے ساتھ مذاکرات کئے جس کے نتیجہ میں 10 روز کی جنگ بندی کا اعلان کیا گیا ۔ آج صبح پشاور میں جرگہ ہوا جس میں معاہدہ طے پایا کہ نظام عدل ریگولیشنزکے تحت مالاکنڈ ڈویژن میں شرعی عدالتیں قائم کی جائیں گی ۔ عدالتوں میں شرعی قوانین کا علم رکھنے والے ججز کو تعینات کیا جائے گا ۔ شرعی عدالتیں دیوانی مقدمات کا فیصلہ 6 ماہ اورفوجداری کا فیصلہ 4 ماہ میں کریں گی ۔ مالاکنڈ میں شریعت سے متصادم قوانین کالعدم ہونگے اور شریعت کے خلاف کوئی قانون قابل قبول نہیں ہوگا ۔ اللہ کرے اب اس معاہدے پر نیک نیّتی سے عمل کیا جائے اور اس کا حشر پچھلے معاہدوں کی طرح نہ ہو ۔

یہ مت سمجھا جائے کہ ریاست کے اندر ریاست قائم ہو رہی ہے جیسا کہ دین بیزار لوگ کہتے آئے ہیں ۔ یہ اقدام پاکستان کے آئین کے عین مطابق پہلا قدم ہے ۔ ملاحظہ ہوں آئین کی متعلقہ شقات اس تحریر کے آخر میں

اگر ایس قانون مالاکنڈ جو کہ پاکستان کا حصہ ہے مین نافذ ہو سکتا ہے تو پورے پاکستان مین کیوں نافذ نہیں ہو سکتا ؟
کیا پورے پاکستان میں شرعِ اسلام کا نظامِ عدل نافذ کرنے کیلئے پورے پاکستان میں بھی خُون خرابہ کرنا ہو گا ؟
کیا اسلامی نظامِ عدل نافذ کرنے پاکستان کے تمام صوبوں اور شہروں کی سڑکوں ۔ گلیوں اور گھروں کو مسلمان مردوں ۔ عورتوں ۔ بوڑھوں ۔ جوانوں اور بچوں کے خون سے سینچنا ضروری ہے ؟

کون دے گا ان سوالوں کا جواب ؟

آئینِ پاکستان سے متعلقہ اقتباسات

Preamble

Whereas sovereignty over the entire Universe belongs to Almighty Allah alone, and the authority to be exercised by the people of Pakistan within the limits prescribed by Him is a sacred trust;
Wherein the principles of democracy, freedom, equality, tolerance and social justice, as enunciated by Islam, shall be fully observed;
Wherein the Muslims shall be enabled to order their lives in the individual and collective spheres in accordance with the teachings and requirements of Islam as set out in the Holy Quran and Sunnah;
Wherein the independence of the judiciary shall be fully secured;
Faithful to the declaration made by the Founder of Pakistan, Quaid-i-Azam Mohammad Ali Jinnah, that Pakistan would be a democratic State based on Islamic principles of social justice;

Article 62

(d) he is of good character and is not commonly known as one who violates Islamic Injunctions;
(e) he has adequate knowledge of Islamic teachings and practises obligatory duties prescribed by Islam as well as abstains from major sins ;
(f) he is sagacious, righteous and non-profligate and honest and ameen;
(g) he has not been convicted for a crime involving moral turpitude or for giving false evidence;
(h) he has not, after the establishment of Pakistan, worked against the integrity of the country or opposed the Ideology of Pakistan

راشٹریہ سوامی سیوک سَنگھ خالص ہندو مشروب [گائے کا پیشاب] بھارت میں متعارف کرانے کی عملی طور پر تیاری کر رہی ہے ۔ اس مشروب کو پائدار بنانے کیلئے تجربات شروع ہو چکے ہیں جو اگلے دو تین ماہ تک جاری رہنے کی توقع ہے ۔

[سیوک سَنگھ۔ مہاسبھا اور اکالی دل وہ جماعتیں ہیں جن کے تربیت یافتہ جتھوں نے ہندو فوجیوں کی پُشت پناہی سے 1947ء میں جموں ۔ مشرقی پنجاب اور گرد و نواح میں مسلمانوں کا قتلِ عام کیا]

گائے کے پیشاب کو ہندو بہت متبرک جانتے ہیں اور ہندوؤں کے تہواروں پر اکثر ہندو اپنے پاپ [گناہ] جھاڑنے کیلئتے گائے کا پیشاب پیتے ہیں ۔ ہندوؤں کا دعوٰی ہے کہ گائے کے پیشاب میں 70 کے لگ بھگ بیماریوں کا علاج موجود ہے اور اس سے پوری دنیا کے لوگ استفادہ حاصل کر سکیں گے ۔ اسلئے یہ خیال ظاہر کیا گیا کہ گائے کے پیشاب سے بھری بوتلوں کی ترسیل دنیا کے تمام ممالک کو کی جائے گی ۔

عام رواج ہے کہ بچہ پیدا ہونے پر گٹی یا گڑتی دی جاتی ہے یعنی بچے کے منہ میں پہلی کوئی چیز ڈالنا جو عام طور پر قدرتی شہد کا ایک قطرہ یا مصفّا پانی کی ایک چھوٹی چمچی ہوتا ہے اور کوئی نیک خاتون یا ماں کے علاوہ بچے سے بہت زیادہ نزدیک خاتون دیتی ہیں ۔

ہم نے بچپن میں سُنا تھا کہ جب کسی ہندو کے ہاں بچہ پیدا ہوتا تو اُسے گٹی یا گڑتی کے طور پر گائے کے پیشاب کی ایک چمچی پلائی جاتی ہے ۔ لیکن میرا چشم دید واقع یہ ہے کہ 1947ء کے شروع میں میں بازار میں جا رہا تھا کہ ایک گائے نے پیشاب کیا اور قریب سے گزرتے ہوئے ایک پینتیس چالیس سالہ ہندو کا آدھا پاجامہ گائے کے پیشاب سے بھیگ گیا ۔ میں نے ناک منہ چڑھایا لیکن ہندو شخص بخوشی ‘پاپ جھڑ گئے” کہتا ہوا چلا گیا ۔

کِسے روئیں اور کِسے دلاسا دیں
یا رب ۔ تیرے بندے کدھر جائیں

پہلے ایک خبر جس کی شاید کسی پاکستانی کو توقع نہ ہو ۔ پھر ایک انٹرویو

خبر
امریکی سینیٹ کی انٹیلی جنس کمیٹی کی چیئر پرسن اور کیلیفورنیا سے تعلق رکھنے والی سینئر خاتون سینیٹر ڈیان فائن اسٹائن نے کہا ہے کہ پاکستان کے قبائلی علاقوں میں حملوں کیلئے امریکی ادارے سی آئی اے کے ڈرون [بغیر پائلٹ طیارے] پاکستان سے ہی اڑائے جاتے ہیں۔ کمیٹی کے اجلاس کے دوران چیئرپرسن ڈیان فائن اسٹائن نے قبائلی علاقوں میں امریکی حملوں پر پاکستان کے احتجاج پر حیرت کا اظہار کرتے ہوئے کہا جہاں تک مجھے معلوم ہے یہ طیارے پاکستان ہی سے اڑائے جاتے ہیں۔ سی آئی اے نے ڈیان فائن اسٹائن کے بیان پر تبصرے سے انکار کردیا ہے تاہم سابق انٹیلی جنس افسران نے نام ظاہر نہ کرنے کی شرط پر بتایا کہ کمیٹی چیئرپرسن کا موقف درست ہے۔ ادھر فائن اسٹائن کے ترجمان فلپ جے لا ویلے نے کہا ہے کہ کمیٹی چیئرپرسن کا بیان واشنگٹن پوسٹ میں شایع ہونیوالے بیانات پر مبنی ہے۔ انہوں نے کہا کہ یہ خبر پہلے ہی اخبار میں شایع ہوچکی ہے کہ جاسوس طیارے اسلام آباد کے قریب ایک ائر بیس سے اڑائے جاتے ہیں۔

انٹرویو
اس نے کہا کہ آپ نے ایک عورت کی کہانی لکھی جو بیوہ تھی اور اپنے بچوں کو پالنے کے لئے نوکری کر رہی تھی لیکن ہم نے اس عورت کو قتل کر دیا ۔ اگر آپ کو جاننا ہے کہ اس بیوہ عورت کو کس نے قتل کیا تو آپ مینگورہ تشریف لائیے ہم آپ کو اس عورت کی بہن اور بہنوئی سے ملوا دیں گے اور وہ آپ کو بتا دیں گے کہ اسے ہم نے نہیں بلکہ اس کے ایک رشتہ دار نے قتل کیا ۔ میں نے فون کرنے والے سے کہا کہ ابھی چند دن قبل سوات سے ہو کر آیا ہوں بار بار اتنا لمبا سفر کرنے کی ہمت نہیں آپ مجھے مقتولہ کے بہنوئی کا فون نمبر دے دیں میں رابطہ کر لوں گا

فون کسی اور نے لے لیا اور پنجابی میں مجھے کہا گیا کہ جب آپ ہمیں دیکھیں گے تو پہچان لیں گے لہٰذا گھبرائیے نہیں ۔ مجھے یہ آواز جانی پہچانی لگی اور میں نے ہمت کر کے ملاقات کے لئے حامی بھر لی لیکن طے ہوا کہ ملاقات بٹ خیلہ میں نہیں بلکہ مردان میں ہوگی۔ اگلی دوپہر مردان اور تخت بھائی کے درمیان ایک چھوٹے سے ہوٹل میں ملاقات ہوئی تو میں نے عبداللہ کو فوراً پہچان لیا۔ یہ گورا چٹا باریش نوجوان مجھے اسلام آباد لال مسجد میں عبدالرشید غازی صاحب کے اردگرد نظر آیا کرتا تھا۔ عبداللہ کے ساتھ تین دیگر افراد بھی تھے جن میں دو کی جیکٹوں کے نیچے چھپا ہوا اسلحہ مجھے نظر آرہا تھا اور تیسرا شخص مقتولہ زینب کا بہنوئی تھا۔ یہ سہما ہوا شخص بالکل خاموش تھا۔ عبداللہ نے اس سہمے ہوئے شخص کو حکم دیا کہ میر صاحب کو بتاؤ کہ تمہاری بیوہ سالی کوطالبان نے نہیں بلکہ اس کے چچا نے قتل کیا۔ خوفزدہ شخص نے محض اثبات میں سر ہلا دیا۔ میں نے پوچھا کہ چچا نے کیوں قتل کیا؟ خوفزدہ شخص نے کہا کہ چچا کہتا تھا کہ ہمارے خاندان کی عورتیں نوکری نہیں کر سکتیں ۔ زینب نوکری سے باز نہ آئی تو چچا نے اسے قتل کر دیا۔

میں ہوٹل کی کھڑکی میں سے بار بار اپنے ڈرائیور اور محافظ کی طرف دیکھ رہا تھا۔ عبداللہ نے مسکراتے ہوئے کہا کہ گھبرائیے نہیں، ہم آپ کو اغوا نہیں کریں گے ہم صرف یہ بتانا چاہتے ہیں کہ سوات کے علاقے میں ہونے والے ہر جرم، قتل، ڈکیتی اور اغوا کی ذمہ داری ہم پر عائد نہیں ہوتی۔ یہ سن کر میں کچھ بے چین ہو گیا اور میں نے کرسی پر پہلو بدل کر عبداللہ سے کہا کہ سوات میں 200 سے زائد گرلز اور بوائز اسکولوں کو تباہ کرنے کی ذمہ داری کس پر عائد ہوتی ہے؟ عبداللہ کے چہرے سے مسکراہٹ غائب ہو گئی اور اس نے کہا کہ جب ان اسکولوں کو فوج اپنے مورچے بنا لے تو پھر ان اسکولوں کو تباہ کرنا جائز ہے۔ آپ کو ہمارے تباہ کئے ہوئے اسکول تو نظر آتے ہیں لیکن جن اسکولوں میں فوج کے مورچے قائم ہیں آپ دنیا کو وہ کیوں نہیں دکھاتے؟

میں نے اعتراف کیا کہ میڈیا اتنا مضبوط نہیں جتنا اسے سمجھا جاتا ہے لیکن اسکولوں کو تباہ کرنا اور گداگر عورتوں کو قتل کرنا صرف میڈیا کے نزدیک نہیں بلکہ عام پاکستانیوں کے نزدیک بھی غیر اسلامی ہے۔ یہ سن کر عبداللہ نے سخت سرد موسم میں پانی کا گلاس غٹاغٹ پیا اور زہریلے لہجے میں بولا کہ یہ عام پاکستانی اس وقت کہاں تھے جب اسلام آباد کی لال مسجد پر بم برسائے گئے اور جب جامعہ حفصہ پر بلڈوزر چلائے گئے تو کیا وہ سب کچھ اسلامی تھا؟

میرا جواب یہ تھا کہ عام پاکستانی اس وقت بھی بے اختیار تھے اور آج بھی بے اختیار ہیں، عام پاکستانیوں کی بڑی اکثریت نے جامعہ حفصہ کے خلاف آپریشن کو غلط سمجھا اور اس آپریشن کی ذمہ دار حکومت کے خلاف 18 فروری کے انتخابات میں ووٹ کا ہتھیار استعمال کیا لہٰذا لال مسجد اور جامہ حفصہ کے خلاف آپریشن کی سزا عام پاکستانیوں اور ان کی بچیوں کو دینا بالکل ناجائز ہے۔

عبداللہ میری کسی دلیل کو تسلیم کرنے پر راضی نظر نہ آتا تھا۔ اس نے کہا کہ ایک بیوہ عورت کے قتل پر آپ نے پورا کالم لکھ دیا، پاکستان کی این جی اوز مینگورہ کی ایک ڈانسر شبانہ کے قتل پر لانگ مارچ کے اعلانات کر رہی ہیں لیکن جب جامعہ حفصہ کی سینکڑوں بچیوں کو فاسفورس بموں سے جلا کر راکھ کیا گیا اس وقت یہ این جی اوز کہاں تھیں؟ 18 فروری سے پہلے مشرف کی مخالف سیاسی جماعتیں کہتی تھیں کہ وہ اقتدار میں آکر مشرف کا محاسبہ کریں گے اور جامعہ حفصہ کو دوبارہ تعمیر کریں گی لیکن مشرف تو آزادانہ پوری دنیا میں گھوم رہا ہے اور اس کی پالیسی بھی جاری ہے، امریکی جاسوس طیاروں کے حملے بھی جاری ہیں کچھ بھی نہیں بدلا۔ آپ کی نام نہاد پارلیمنٹ کے مشترکہ اجلاس میں قرارداد منظور کی گئی کہ قبائلی علاقوں اور سوات سے فوج واپس بلائی جائے گی اور معاملات ڈائیلاگ سے حل کئے جائیں گے لیکن فوج واپس نہیں بلائی گئی بلکہ ہم پر فضائی بمباری ہوگئی لہٰذا ہم بھی وہی کریں گے جو ہمارے ساتھ کیا جا رہا ہے اور یاد رکھیئے کہ ہم اسلام آباد سے زیادہ دور نہیں ہیں۔

میں نے عبداللہ سے کہا کہ تم گوجرانوالہ کے رہنے والے ہو تمہارا خاندان وہاں محفوظ ہے لیکن تم سوات والوں کو غیر محفوظ بنا رہے ہو۔ عبداللہ تنک کر بولا کہ میں لال مسجد کے قتل عام کا انتقام لے رہا ہوں، میرے ساتھ باجوڑ کے وہ نوجوان شامل ہیں جن کے گھر فوجی آپریشن میں تباہ ہوئے اور جب تک انتقام مکمل نہیں ہوتا وہ چین سے نہیں بیٹھے گا۔

میں نے اپنا لہجہ تبدیل کیا اور منت کرتے ہوئے کہا کہ تم اپنے انتقام سے اسلام کو بدنام کر رہے ہواللہ کے واسطے ڈائیلاگ کی طرف آؤ۔ میری بات سن کر وہ ہنسنے لگا اور مجھے یاد دلاتے ہوئے کہنے لگا کہ میر صاحب آپ نے عبدالرشید غازی کو بھی ڈائیلاگ کا مشورہ دیا تھا، انہوں نے ڈائیلاگ شروع کر دیا، بہت کچھ مان بھی گئے لیکن مشرف نے انہیں شہید کروا دیا، مشرف ابھی تک زندہ ہے، ہمیں انصاف نہیں ملا لہٰذا ڈائیلاگ کی بات نہ کرو ہمیں کسی پر اعتبار نہیں رہا۔

خلاء میں امریکی اور روسی سیٹیلائٹ ٹکراکر تباہ ہوگئے ۔ ناسا حکام کے مطابق دونوں سٹیلائٹس میں تصادم کا واقعہ سربیا سے500 میل خلاء میں پیش آیا ہے ۔ تصادم کے نتیجے میں دونوں سیٹیلائٹس کے ٹکڑوں سے گہرے سیاہ بادل پیدا ہوگئے ۔ حکام کے مطابق1997ء میں خلاء میں بھیجے جانے والے نجی امریکی کمرشل سیٹیلائٹ اور روسی سیٹیلائٹ کے درمیان تصادم ہوا ہے ۔ حکام کے مطابق ایک سیٹیلائٹ کی وزن 1000 پونڈ سے زیادہ تھا [جنگ]

بلاشُبہ انسان نے بہت ترقی کر لی ہے اور مزید ترقی کر کے کمال کے قریب سے کریب تر ہو سکتا ہے لیکن کامل نہیں ہو سکتا ۔ کامل اوربے عیب صرف اللہ کی ذات ہے

ہم نے کئی بار اپنا ۔ اپنے بچوں کا یا رشتہ داروں کا سامان مُلک کے اندر ایک شہر سے دوسرے شہر ۔ پاکستان سے دوسرے مُلک کو یا دوسرے مُلک سے پاکستان بھجوایا مگر جو دھوکہ ٹرانسپَیک [Transpack] نے حال ہی میں میرے بیٹے زکریا کا سامان اسلام آباد سے اٹلانٹا [امریکا]بھجواتے ہوئے کیا یہ کبھی ہمارے وہم و گمان میں بھی نہ تھا ۔ یہ ٹرانسپَیک سے ہمارا پہلا واسطہ [dealing] تھا ۔ اسلئے لکھ رہا ہوں کہ ہمارے ساتھ جو دھوکہ ہوا اس سے دوسرے ہموطن بچ سکیں ۔

جب بھی سامان ایک جگہ سے دوسری جگہ بھیجا جائے تو تمام اخراجات اور معاملات تفصیل کے ساتھ کمپنی سے لکھوا کر کمپنی کے مجاز افسر کے دستخط کروا کر اس پر کمپنی کی مہر بھی لگوا لینا بہت ضروری ہے ۔ کیونکہ ٹرانسپَیک والے نہ صرف اپنی زبان سے پھر گئے بلکہ اپنی ای میلز میں لکھے ہوئے سے بھی پھر گئے ۔
اوّل ۔ ٹرانسپَیک نے وعدہ کی خلاف ورزی کرتے ہوئے سامان ایک ماہ تاخیر سے روانہ کیا ۔
دوم ۔ ہم نے ٹرانسپَیک کو 136687 روپے ادا کئے تھے جن میں ٹرانسپَیک کے مطابق سامان کی پیَکنگ [packing] اور اسلام آباد میں ہمارے گھر سے اٹلانٹا تک پہنچانے کے تمام اخراجات شامل تھے لیکن ٹرانسپَیک نے شِپر [shipper] کو صرف اسلام آباد سے کراچی تک ٹرک ۔ کراچی سے نیو یارک تک بحری جہاز اور نیو یارک سے اٹلانٹا تک ٹرک کا کرایہ ادا کیا جس کے نتیجہ میں نیو یارک میں شِپر کو 318 امریکی ڈالر اور اٹلانٹا میں مزید 251 امریکی ڈالر یعنی کُل 569 امریکی ڈالر زکریا نے فالتو دیئے جو وعدہ کے مطابق ٹرانسپَیک کو دینا چاہیئے تھے ۔

مختصر واقعہ یوں ہے کہ زکریا کا کچھ سامان اٹلانٹا بھیجنے کیلئے میں نے ٹرانسپَیک سے رابطہ کیا ۔ ٹرانسپَیک کے چارجز باقی تمام کمپنیوں کی نسبت زیادہ تھے ۔ یہ سوچ کر کہ پرانی اور بڑی کمپنی ہے ہم نے ان پر بھروسہ کیا ۔ اُن کے نمائندے نے اگست 2008ء میں ہمارے گھر آ کر سارے سامان کی پیمائش کر کے بتایا کہ اس کا حجم 5 سے 6 کیوبک میٹر ہو گا اور پَیکنگ اور اسلام آباد ہمارے گھر سے اٹلانٹا جارجیا امریکہ پہنچانے کے کل اخراجات 225 امریکی ڈالر فی کیوبک میٹر ہوں گے ۔ سامان چونکہ بطور ساتھ لیجانے والا سامان [accompanied baggage] بھیجنا تھا چنانچہ 5 اکتوبر 2008ء کو زکریا کے اسلام آباد آنے پر میں نے ٹرانسپَیک کو کہا کہ سامان بھیجنے کا بندوبست کریں ۔

ٹرانسپَیک کے آدمی 13 اکتوبر کو آئے اور سامان لے گئے ۔ اُس وقت اُن کے متعلقہ افسر جس نے اگست میں سامان دیکھ کر کہا تھا کہ 5 اور 6 کیوبک میٹر کے درمیان ہے مجھے بتایا کہ سامان 7.2 کیوبک میٹر ہے یعنی ٹرانسپَیک کے ماہر اور تجربہ کار افسر کا اندازہ اتنا زیادہ غلط نکلا ۔ اگلے روز میں ٹرانسپَیک کے دفتر اُن کے ایگزیکٹِو ڈائریکٹر توصیف علوی صاحب کے پاس رقم کی ادائیگی کیلئے گیا ۔ ایک تو اُنہوں نے کہا کہ 7.2 مکمل ہندسہ [whole number] نہیں اسلئے 7.5 کیوبک میٹر کی بنیاد پر پیسے لئے جائیں گے ۔ بات غیر معقول تھی لیکن میں خاموش رہا ۔ جب بل [bill] بنایا تو 230 امریکی ڈالر فی کیوبک میٹر کے حساب سے تھا ۔ میں نے اُنہیں کہا کہ آپ کے نمائندہ نے مجھے 225 ڈالر بتایا پھر دو دن قبل آپ نے بھی 225 ڈالر ہی بتایا اور اب بل 230 ڈالر کے حساب سے بنا دیا ہے ۔ بہت لیت و لعل کے بعد 225 ڈالر پر واپس آئے ۔ پھر 80 روپیہ فی ڈالر لگایا جب کہ بازار میں ڈالر 79 روپے کا مل رہا تھا ۔ 80 روپے فی ڈالر اور 225 ڈالر کے حساب سے 7.5 کیوبک میٹر کے 135000 روپے بنتے تھے لیکن بل 136687 روپے تھا ۔ پوچھنے پر توصیف صاحب نے بتایا کہ یہ متعلقہ اخراجات [allied charges] ہیں ۔ میں صرف ٹھنڈی سانس بھر کر رہ گیا

متذکرہ بالا منظر سے گذرنے کے بعد میں نے توصیف صاحب سے پوچھا کہ امریکہ پہنچنے پر ہمیں مزید کوئی اخراجات تو نہیں دینا پڑیں گے ؟ اس پر توصیف صاحب نے مجھے بتایا کہ کسٹم کلیئرنس سے متعلق معمولی اخراجات ہوں گے اور کچھ دینا نہیں پڑے گا ۔ مزید میرے پوچھنے پر توصیف صاحب نے بتایا کہ سامان دو ہفتے کے اندر کراچی سے بحری جہاز پر روانہ ہو جائے گا اور مزید دو تین ہفتوں میں اٹلانٹا پہنچ جائے گا ۔ دو ہفتے بعد ٹیلیفون کیا تو معلوم ہوا کہ سامان کراچی کی طرف جا رہا ہے ۔ کافی شور شرابا کرتے رہنے کے بعد سامان 22 نومبر 2008ء کو کراچی میں بحری جہاز پر چڑھایا گیا یعنی 2 ہفتے کے اندر کی بجائے 6 ہفتے بعد

جہاز کے نیو یارک پہنچنے سے پہلے ہی زکریا کو مندرجہ ذیل بل وصول ہوا کہ یہ اخراجات ادا نہیں کئے گئے اسلئے ادا کئے جائیں ۔ ادائیگی نہ ہونے کی صورت میں سامان بندرگاہ سے وصول نہیں کیا جائے گا اور سامان کا مالک ہرجانہ [demurrage] کا ذمہ دار ہو گا

DESCRIPTION – – – – – – – – – – PRE-PAID – – COLLECT
I. T. CHARGES – – – – – – – – – – – – 0.00 – – – – – – 30.00
HANDLING CHARGE – – – – – – – – – 0.00 – – – – – – 75.00
AMS CHGS – – – – – – – – – – – – – – — 0.00 – – – – – – 25.00
CDF CHGS – – – – – – – – – – – – – – – 0.00 – – – – – – 30.00
PORT SECURITY CHARGES – – — 0.00 – – – – – – 25.00
STRIPPING CHGS – – – – – – – – – – 0.00 – – – – – – 81.00
EXAM FEE – – – – – – – – – – – – – – — 0.00 – – – – – – 52.00
TOTAL – – – – – – – – – – – – – – — 0.00 – – – – – 318.00

میں نے توصیف صاحب سے یہ بل ادا کرنے کا کہا تو وہ آئیں وائیں شائیں کرتے رہے ۔ مجبورا ہو کر زکریا نے 318 ڈالر ادا کر دیئے کیونکہ ہرجانہ پڑنے کی صورت میں اسے کہیں زیادہ دینا پڑتے ورنہ سامان ہی ضبط ہو جاتا ۔ اس کے بعد میں نے توصیف صاحب سے بات کی تو اُنہوں نے بڑے وثوق کے ساتھ مجھے یقین دلایا کہ اس کے بعد ہمیں کوئی اور اخراجات نہیں دینا ہوں گے

جب سامان اٹلانٹا پہنچا تو 250.80 ڈالر کا بل زکریا کو ملا اور ساتھ وہی شرط کہ نہ دیئے تو ہرجانہ بھی دینا پڑے گا ۔ میں توصیف صاحب کے پاس گیا اور ان کی پھر وہی منطق تھی کہ یہ مقامی بل ہے اور اُن کی ذمہ داری نہیں حالانکہ ہم نے ٹرانسپَیک کو اسلام آباد سے اٹلانٹا تک کے تمام اخراجات ادا کئے ہوئے تھے ۔

اس سے قبل کے کئی ذاتی تجربات میں سے ایک حالیہ واقع جو ٹرانسپیک کے ساتھ ہونے والے تجربہ کا اُلٹ ہے

میں نے فروری 2008ء میں اپنے چھوٹے بیٹے کا سامان دبئی بھجوایا ۔ اس کیلئے میں نے پاکستان بیگیج کارپوریشن سے رابطہ کیا ۔ وہ پیکنگ نہیں کرتے اور نہ گھر سے سامان اُٹھاتے ہیں ۔ میں نے ان سے کہا کہ پیکنگ میں کروا لوں گا آپ گھر سے اُٹھانے اور کسٹم وغیرہ کا بندوبست کروا دیں ۔ وہ مان گئے اور کہا کہ گھر سے اُٹھانے اور کسٹم کلیئرنس سے جو اصل اخراجات ہوں گے وہ دینا ہوں گے ۔ پاکستان بیگیج کارپوریشن کے نمائندے نے سامان ہمارے گھر سے اُٹھا کر اسلام آباد ایئرپورٹ پہنچایا ۔ اُس کی کسٹم کلیئرنس کروائی جس کیلئے اُنہیں چھ کے چھ ڈبے کھول کر دوبارہ پیک [repack
] کرنا پڑے اور کسٹم والوں کی ہدائت پر اُن کے اُوپر پلاسٹک بھی بازار سے لا کر چڑھانا پڑا ۔ ٹرک والے کو 500 روپے میں نے دیئے ۔ پاکستان بیگیج کارپوریشن والوں نے پلاسٹک کے تھیلوں کی قیمت اور باقی ساری کاروائی کے مجھ سے 750 روپے لئے

سامان جس کا وزن 200 کلو گرام تھا اس کا کُل خرچہ 12300 روپے ہم سے لیا کیونکہ ایک بہت قریبی دوست کی سفارش پر شِپر [shipper] نے کافی رعائت کر دی تھی ۔ سامان اسلام آباد سے بذریعہ ہوائی جہاز ابو ظہبی بھیجا گیا ۔ ابو ظہبی سامان پاکستان بیگیج کارپوریشن کے مقرر کردہ شِپر [shipper] نے اُتروایا اور کسٹم کلیئرنس کروائی ۔ پھر وہاں سے دوسرے دن ٹرک پر دبئی بھجوایا اور وہاں اُتروا کر میرے بیٹے کے حوالے کیا ۔ ابوظہبی میں کرائی گئی کسٹم کلیئرنس کے 28 درہم میرے بیٹے سے لئے