ہاتھی کے دانت کھانے کے اور دِکھانے کے اور
يا
صريح منافقت

اور يہ بھی ديکھئے کہ واشنگٹن پوسٹ اس منافقت کو کس طرح جائز قرار ديتا ہے

وائٹ ہاوس کی سینئرترین رپورٹر 89 سالہ خاتون صحافی ہیلن تھامس جو امریکی صدرجان ایف کینیڈی کے دورِ صدارت سے وائٹ ہاؤس کی صحافتی ٹیم میں شامل تھيں کو اسرائیل مخالف بیان دینے پر سخت تنقید کے بعد اچانک ريٹائرڈ کر دیا گیا ۔ ہیلن نے غزہ جانے والے ترکی اور آئرلینڈ کے امدادی بحری بیڑوں پر اسرائیلی جارحیت کے خلاف آواز اٹھائی تھی اورسخت رویہ اختیارکرتے ہوئے کہا تھا کہ اسرائیلی فلسطین چھوڑدیں ۔ انہوں نے مشوردیا تھا کہ اسرائیلی ان ممالک کو لوٹ جائیں جہاں سے آئے تھے يعنی وہ جرمنی ، پولینڈ اور امریکا میں اپنے گھروں کو چلیں جائیں

ہیلن تھامس طویل عرصے تک وائٹ ہاؤس کے یونائیٹڈ پریس انٹرنیشنل کی نامہ نگار کے طور پر خدمات انجام دیتی رہیں اور آج کل ایک اخبار کے لئے کالم بھی لکھ رہی ہیں

چھوٹی سے چھوٹی چیز بھی جو حاصل ہو ۔ اس کیلئے شکرگذار ہونا چاہیئے

جہاں کہیں بھی ہوں جو کچھ بھی کر سکیں جتنا بھی ہو سکے دوسرے کی مدد کرنا چاہيئے

جن اشیاء کو حق سمجھتے ہیں اُن کیلئے دراصل شکرگذار ہونا چاہیئے

آدمی کی اصل دولت یہ ہے کہ اُس نے آخرت کیلئے کیا کیا ہے ؟

اللہ بہترین نعمت اُسے دیتا ہے جو اپنی مرضی پر اللہ کی مرضی کو ترجیح دیتا ہے

نيچے امريکا کے صرف 71 سال قبل کے

دور کی تصاوير ديکھنے کے بعد سوچيئے کہ ہميں کس عمل کی ضرورت ہے

ہم سجھتے ہيں کہ ہميں بُرا دور مِلا ہے اور مختلف قسم کی شکايات کرتے رہتے ہيں ۔ پٹرول مہنگا ہے ۔ بے روزگاری ہے ۔ يہ نہيں ہے وہ نہيں ہے ۔ ہم دورِ حاضر سے نالاں ہيں ۔ مہنگائی بے انصافی اور سب سے بڑھ کر بے حسی زوروں پر ہے

کيا يہ سب حالات ہمارے ہی پيدا کردہ نہيں ہيں ؟
ہمارا 71 سال قبل 71 سال قبل کے امريکا جيسا حال تو نہ تھا بلکہ 40 سال قبل بھی ہمارا ايسا حال نہ تھا

امريکا 71 سال ميں بلنديوں پر پہنچ گيا اور ساری دنيا پر قبضہ جمانا شروع کر ديا مگر ہم نے پچھلے 40 سال میں اپنا يہ حشر کر ليا ہے جسے ہم خود ہی کوس بھی رہے ہيں

ہم بجائے خود اُوپر چڑھنے کے دوسرے ہموطن کو نيچے گِرا کر سمجھتے ہيں کہ ہم اُونچے ہو گئے ہيں ۔ يہ تنزل ہے ترقی نہيں

ہميں باہمی گريبان پکڑنا اور باہمی تفگ بازی چھوڑ کر محنت سے صرف اپنے کی بجائے اپنی آنے والی نسلوں يعنی اپنی قوم اور اپنے مُلک پاکستان کيلئے خلوصِ نيت سے محنت کرنا ہو گی

ورنہ اگر ہمارے لچھن يوں ہی رہے تو ہم پر آج سے بھی زيادہ بُرا وقت آ سکتا ہے

ہر حال ميں اللہ کا شکر ادا کرنا چاہيئے اور ديانتداری سے محنت کرنا چاہيئے ۔ يہی ترقی کی مشعلِ راہ ہے

فاطمہ جناح پارک جو اسلام آباد ميں ہمارے گھر سے 5 منٹ کے پيدل راستہ پر ہے ۔ پرويز مشرف کے زمانہ ميں اسے بھی ماڈرن کرنے کی کوشش کے سلسلہ ميں وہاں ايسی تعميرات ہوئيں کہ باغ ايک بازار بننا شروع ہو گيا تھا ۔ مجبور ہو کر شہريوں نے عدالتِ عظمٰی کا رُخ کيا تھا

چیف جسٹس افتخار محمد چوہدری کی سربراہی میں سپریم کورٹ کے تین رکنی بنچ نے ، فاطمہ جناح پارک میں تعمیرات کے خلاف مقدمہ کا فیصلہ سنایا۔عدالت نے اس مقدمہ کی گزشتہ ماہ سماعت مکمل کرکے فیصلہ محفوظ کرلیا تھا ۔ عدالت نے پارک میں واقع غیرملکی چین کے ریستوراں [ميکڈانلڈ] اور تفریحی کلب [باؤلنگ] کو گرانے کا حکم دیا ہے۔ عدالت نے ریستوران کے مالک امین لاکھانی کا سپریم کورٹ کے بارے میں ریمارکس سے متعلق معافی نامہ قبول کرتے فیصلے میں کہا ہے کہ ان دونوں عمارتوں کے مالکان اپنے خرچ پر انہیں تین ماہ میں گرائیں گے۔سپریم کورٹ نے پارک میں نظریہ پاکستان کونسل کو لائبریری کیلئے الاٹ کی جانے والی زمین کی لیز بھی ختم کرنے کا حکم دیا

عدالت نے ان تعمیرات کی اجازت دینے والے سابق چیئرمین سی ڈی اے اور موجودہ سیکریٹری پٹرولیم کامران لاشاری کے خلاف بھی قانونی کارروائی کا حکم دیا ہے

ميکڈانلڈ کھانے والے کيا کھائيں گے
باؤلنگ کرنے والے کدھر جائيں گے

یہ سوال اب زبان زد عام ہے کہ اگر پاکستان نیوی کی طرف سے بین الاقوامی سمندری حدود میں کسی تجارتی یا امدادی بحری جہاز پر غلطی سے حملہ کردیا جاتا اور حملے میں دو تین مغربی باشندے مارے جاتے تو امریکہ، یورپی یونین اور اقوام متحدہ پاکستان کا کیا حشر کرتے؟

بدھ کی شب سینیٹر چوہدری شجاعت حسین کی طرف سے پاکستان میں چین کے سفیر مسٹر لو لاؤ ہوئی کے اعزاز میں الوداعی عشائیے کا اہتمام کیا گیا تھا جس میں سفارت کاروں کی ایک بڑی تعداد موجود تھی ۔ پاکستانی سیاستدان اور صحافی مغربی سفارتکاروں کو ڈھونڈ ڈھونڈ کر اُن سے پوچھ رہے تھے کہ ” 31مئی کو فریڈم فلوٹیلا نامی بحری جہاز پر حملہ کرنے والے فوجیوں کا تعلق اسرائیل کی بجائے پاکستان ، ایران یا ترکی کے ساتھ ہوتا تو کیا مغربی ممالک کی حکومتیں صرف ہلکے پھلکے مذمتی بیانات تک محدود رہتیں یا اقوام متحدہ کے ذریعہ ذمہ دار ملک پر حملے کی تیاری مکمل کرچکی ہوتیں؟”

اس عشائیے میں موجود فلسطین کے سفیر جناب ابو شناب بار بار مجھے کہہ رہے تھے کہ میں مغربی سفارت کاروں کو وہ آنکھوں دیکھے واقعات بتاؤں جب اسرائیلی نیوی نے غزہ کے ساحل پر فلسطینی مچھیروں کی کشتیوں پر بمباری کی۔ فلسطینی سفیر کے ا صرار پر میں نے کئی سفارت کاروں کو بتایا کہ پچھلے سال جنوری میں جب اسرائیل نے غزہ پر حملے کئے تو میں مصر کے راستے سے غزہ میں داخل %D

ميں نے کل اسرائيل کی غزہ ميں دہشتگردی کے چند ثبوت پيش کئے تھے ۔ آج اسرائيليوں کی درندگی کے چند اور نمونے بوجھل دل کے ساتھ حاضر ہيں جن ميں بالخصوص ننھے بچوں کو درندگی کا نشانہ بنايا گيا ہے ۔ اسرائيل کے بہيمانہ قتل و غارت پر کبھی امريکا نے اسرائيل کی صرف مذمت بھی نہيں کی

اگر کسی مسلمان ملک ميں ايک غير مسلم بچہ مر جائے تو امريکا طوفان کھڑا کر ديتا ہے ۔ امريکا کے چہيتے پرويز مشرف کا دور تھا اسلام آباد کے سيکٹر ايف ۔ 7 ميں ايک کچی آبادی کے نام پر پکی آبادی ہے جو سرکاری زمين پر قبضہ کر کے غيرقانونی طور پر عيسائيوں نے بنائی ہوئی ہے ۔ يہ فرنچ کالونی کے نام سے مشہور ہے ۔ سڑک کی طرف اُنہوں نے ايک کچی ديوار بنائی ہوئی تھی ۔ ايک دن عيسائی بچے سڑک کے کنارے اُس ديوار کے ساتھ بيٹھے کھيل رہے تھے کہ طوفان آ گيا اور ديوار گر گئی ۔ اس کے نيچے آ کر ايک عيسائی بچہ مر گيا ۔ واشنگٹن کی ديواريں لرزنے لگيں اور پرويز مشرف کو ٹيليفون آيا ۔ چنانچہ وہاں اُس غيرقانونی کالونی کے ساتھ ری اِنفورسڈ کنکريٹ کی ديوار بنانے کے علاوہ اس کالونی کو قانونی قرار دے ديا گيا

نيچے غزہ ميں اسرائيل کی دہشتگردی کے چند نمونے ہيں جو بين الاقوامی تنظيموں کے ذريعہ وقتاً فوقتاً منظرِ عام پر آتے رہے ۔ اسرائيل کی شايد يہی کاروائياں امريکا کو اسرائيل کی پُشت پناہی اور مدد کرنے پر مجبور کرتی ہيں کيونکہ امريکا کی زبان ميں يہ اسرائيل کا جمہوری حق ہے اور عراق اور افغانستان پر قابض امريکی فوج کے خلاف بولنا بھی دہشتگردی ہے . اسرائيلی فوج نے ہسپتال پر بھی ميزائل مارا

اسرائيلی درندگی کے نمونے اِن شاء اللہ دوسری قسط ميں ۔ اسرائيل نے غزہ ميں رہنے والے معصوم بچوں پر نہ صرف تشدد کيا بلکہ بے دردی سے شيرخوار بچوں کو ہلاک بھی کيا