میرے دماغ میں ایک کِیڑا ہے جو عام طور پر سویا رہتا ہے لیکن جب کوئی نیا منظر دیکھے یا نئی بات سُنے تو وہ مجھے کاٹنا شروع کر دیتا ہے کہ اُس منظر یا بات کو سمجھوں اور میں سمجھنے کی کوشش میں لگ جاتا ہوں ۔ میں 2 سالوں سے ”حقوق اور آزادیءِ تقریر“ کو ہی نہیں سمجھ پایا تھا کہ 2 ہفتے سے مجھے ”فارَینزِک“ کے کیڑے نے کاٹنا شروع کر رکھا ہے ۔ “فورَینزِک“ انگریزی کا لفظ ہے Forensic جو ”فورَینزِک“ لکھا جانا چاہیئے البتہ ہو سکتا ہے کہ زمانے کی ترقی کے ساتھ”فورَینزِک“ بھی ترقی کر کے ”فارَینزِک“ بن گیا ہو

یہ لفظ ”فارَینزِک“ کچھ لوگوں کی زبان سے چِپَک کر رہ گیا ہے ۔ عوام بیچارے کیا کریں ہند و پاکستان میں انگریزوں کی حکمرانی کے زمانے سے اُن کے ذہنوں کو لیڈروں کا غلام بننا سکھایا گیا ہے ۔ وہ بیچارے تو 5 وقت ”سُبحان اللہ ۔ الحمدللہ ۔ اللہ اکبر“ کی تسبیح کی بجائے سارا دن ”فارَینزِک ۔ فارَینزِک“ پڑھتے ہیں اور اتنی فرصت نہیں ملتی کہ ڈکشنری کھول کر ”فارَینزِک“ کا مطلب ہی دیکھ لیں

مجھے اللہ نے توفیق دی تو میں نے اخبار اور ٹی وی سے دُور بیٹھ کر آج ڈکشنری کھولی تو پرانے زمانہ کی ضرب المثل یاد آئی ”کھودا پہاڑ ۔ نکلا چوہا ۔ وہ بھی مرا ہوا“۔
آئی جنون انگریزی سے اُردو ڈکشنری نے Forensic کا مطلب بتایا ”عدالت کے متعلق“۔

مریم وَیبسٹر انگریزی کی ڈکشنری نے بتایا ۔

Simple Definition of forensic
a) relating to the use of scientific knowledge or methods in solving crimes
b) relating to, used in, or suitable to a court of law

یعنی (الف) جُرم معلوم کرنے کیلئے سائنس کے عِلم یا طریقوں کے استعمال کے متعلق ۔ (ب) جو قانونی عدالت میں استعمال کیا جاتا ہو یا اس کے متعلق ہو

آکسفَورڈ ڈکشنری نے بتایا ۔

Relating to or denoting the application of scientific methods and techniques to the investigation of crime

جُرم معلوم کرنے کیلئے سائنسی طریقوں کے استعمال کے متعلق

تھِسَورَس نے بتایا

a) Relating to, used in, or appropriate for courts of law or for public discussion or argumentation.
b) Relating to the use of science or technology in the investigation and establishment of facts or evidence in a court of law:

(الف) قانونی عدالت یا عوامی بحث میں استعمال سے متعلق یا اس کیلئے موزُوں
(ب) تفتیش اور حقائق معلوم کرنے کیلئے یا بطور شواہد قانونی عدالت میں سائنس اور ٹیکنالوجی کا استعمال

بلی اور چوہے کی لڑائی کارٹون “ٹام اور جیری” میں دیکھنے کو بہت ملتی ہے لیکن اصلی بلی اور چوہے کی لڑائی اتفاق سے ہی فلمائی جا سکتی ہے ۔ ایسی ہی ایک نادر وِڈیو

میرا دوسرا بلاگ ” حقیقت اکثر تلخ ہوتی ہے ۔ Reality is often Bitter“۔
” پچھلے 12 سال سے معاشرے کے مختلف پہلوؤں پر تحاریر سے بھر پور چلا آ رہا ہے ۔ اور قاری سے صرف ایک کلِک کے فاصلہ پر ہے ۔ 2010ء ميں ورڈ پريس نے اسے 10 بہترين بلاگز ميں سے ايک قرار ديا تھا

خواہش سے نہیں گِرتے پھل جولی میں
وقت کی شاخ کو میرے دوست ہلانا ہو گا
کچھ نہیں ہو گا اندھیروں کو بُرا کہنے سے
اپنے حصے کا دِیا ہر ایک کو خود ہی جلانا ہو گا

Educate men without religion
and
you make them but clever devils.

کچھ لوگ یہاں اَفسر بن کر ۔ لوگوں کے خدا بن جاتے ہیں
کچھ لوگ ترقی جب پائیں تو ۔ اور بھی سر کو جھُکاتے ہیں
یہ دونوں قِسمیں اِنساں کی ہیں ۔ روزِ اوّل سے دُنیا میں
کچھ مَر کے بھی زندہ رہتے ہیں ۔کچھ جیتے جی مَر جاتے ہیں
ہے میری دعا اے بچو ۔ تُم انسانوں کی اس قسم میں ہو
خوشبو کی طرح ہر دم مہکے رُوح جو تمہارے جسم میں ہو
دُنیا میں اچھے کام کرو ۔ اور جب دنیا سے جاؤ تُم
غیروں کی آنکھوں میں آنسو اپنوں سے بڑھ کر لاؤ تُم
یہ لوگ جو تُم سے جَلتے ہیں یہ جھُوٹی دار پہ چلتے ہیں
یہ وقت کے چڑھتے سورج ہیں تب دیکھو جب ڈَھلتے ہیں
کرو وعدہ ان سا مَت ہو نا ۔ تُم اپنے اصلی کو مَت کھونا
دُنیا ہے اصل میں کچھ پانا ۔ اور لینا اصلی کا گُم ہونا
جو لوگ اس دُنیا کے لالچ میں ۔ سجدہ گاہ بدلتے ہیں
پھُولوں کو سجا کر کالر میں اَن دیکھی آگ میں جلتے ہیں
ہے ایک ۔ بَس ایک ہی راہِ وفا ۔ وہ راہِ وفا ہے راہِ خدا
ہر دَم یہ رکھنا لب پہ دُعا ۔ یا رب مجھے سیدھی راہ دِکھا
وہ راہ کہ جس پر چلتے ہوئے حاصل ہو سنہرا انعام تیرا
نہیں چاہیئے مجھ کو وہ رَستہ جس پہ پھیلا ہے قہرِ خدا
اس دُنیا کی آسائشیں سب بے شک کرتا ہوں تُجھ سے طلب
ہو شامل جن میں رحم تیرا ۔ ہو دُور جن سے تیرا غضب“۔

میں نے نیچے فیس بُک سے ایک تصویر نقل کی ہے ۔ یہ ایک پاکستانی بچی نور العین کی مصوری ہے جو مڈل ایسٹ فلم اینڈ کامِک کون (Middle East Film & Comic Con) نے 12 سے 17 سالہ بچوں کی مصوری کے مقابلے کیلئے چُنی ہے ۔ اتفاق سے یہ بچی میری بھانجی کی بیٹی ہے یعنی میری بڑی بہن جو جنوری 2016ء میں اللہ کو پیاری ہوئیں اُن کی نواسی

قارئین سے گذارش ہے کہ یہاں پر کلِک کر کے فیس بُک کا متعلقہ صفحہ کھولیئے اور لائِیک (Like) کا بٹن دبا کر بچی کی حوصلہ افزائی کیجئے