ستم شعار سے تجھ کو چھڑائیں گے اک دن
میرے وطن تیری جنت میں آئیں گے اک دن
ٹھیک آج سے 60 سال قبل جموں کشمیر کے مسلمانوں نے اپنے وطن پر بھارت کے طاقت کے بل پر ناجائز قبضہ کے خلاف اعلانِ جہاد کیا جو کہ ایک لاکھ سے زائد جانوں کی قربانی دینے کے باوجود آج تک جاری ہے ۔ انشاء اللہ یہ قربانیاں رائیگاں نہیں جائیں گی ۔
کہتے ہیں ہر دم یہ جموں کشمیر کے مسلماں ۔ اے وطن تیری آزادی تک چین سے نہیں بیٹھیں گے
ایک نظم
سرفروشی کی تمنا اب ہمارے دل میں ہے ۔ ۔ ۔ دیکھنا ہے زور کتنا بازوئے قاتل میں ہے
کرتا نہیں کیوں دوسرا اس پہ کچھ بات چیت ۔ ۔ ۔ دیکھتا ہوں میں جسے وہ چپ تیری محفل میں ہے
اے شہیدِ مُلک و ملت میں تیرے اُوپر نثار ۔ ۔ ۔ اب تیری ہمت کا چرچہ غیر کی محفل میں ہے
وقت آنے دے بتا دیں گے تجہے اے آسمان ۔ ۔ ۔ ہم ابھی سے کیا بتائیں کیا ہمارے دل میں ہے
کھینج کر لائی ہے سب کو قتل ہونے کی اُمید ۔ ۔ ۔ عاشقوں کا آج جمگھٹ کوچۂ قاتل میں ہے
ہے لئے ہتھیار دشمن تاک میں بیٹھا اُدھر ۔ ۔ ۔ اور ہم تیار ہیں کھُلا سینہ لئے اپنا اِدھر
خون سے کھیلیں گے ہولی گر وطن مشکل میں ہے ۔ ۔ ۔ سرفروشی کی تمنا اب ہمارے دل میں ہے
ہاتھ جن میں ہو جنوں کٹتے نہیں تلوار سے ۔ ۔ ۔ سر جو اُٹھ جاتے ہیں وہ جھُکتے نہیں للکا ر سے
اور بھڑکے گا جو شعلہ سا ہمارے دل میں ہے ۔ ۔ ۔ سرفروشی کی تمنا اب ہمارے دل میں ہے
ہم جو گھر سے نکلے ہی تھے باندھ کے سر پہ کفن ۔ ۔ ۔ جان ہتھیلی پر لئے ہوئے لے چلے ہیں یہ قدم
زندگی تو اپنی مہمان موت کی محفل میں ہے ۔ ۔ ۔ سرفروشی کی تمنا اب ہمارے دل میں ہے
یوں کھڑا مقتل میں قاتل کہہ رہا ہے بار بار ۔ ۔ ۔ کیا تمناءِ شہادت بھی کِسی کے دِل میں ہے
دل میں طوفانوں کی تولی اور نسوں میں انقلاب ۔ ۔ ۔ ہوش دشمن کے اڑا دیں گے ہمیں روکو نہ آج
دُور رہ پائے جو ہم سے دم کہاں منزل میں ہے ۔ ۔ ۔ سرفروشی کی تمنا اب ہمارے دل میں ہے
وہ جِسم بھی کیا جِسم ہے جس میں نہ ہو خونِ جنوں ۔ ۔ ۔ طوفانوں سے کیا لڑے جو کشتی ساحل میں ہے
سرفروشی کی تمنا اب ہمارے دل میں ہے ۔ ۔ ۔ دیکھنا ہے زور کتنا بازوئے قاتل میں ہے
نظم ۔ بسمل عظیم آبادی
کیا ہی خوب غزل ہے نا یہ۔۔۔۔ مجھے بہت پسند ہے۔
اے وطن تیری آزادی تک چین سے نہیں بیٹھیں گے ۔۔۔۔ انشاءاللہ
رہبر صاحب
درد دل رکھنے والے دوسروں کادرد بھی پہچانتے ہیں
پاکستانی صاحب
شکریہ ۔ دعا کیا کیجئے
محترم اجمل انکل جی
السلامُ عليکُم
اُمّيد ہے آپ بالکُل ٹھيک ہوں گے دُعا ہے کہ اسی طرح زندگی کے ہر موڑ ہر رُخ کو دُنيا کے سامنے لاتے رہيں ورنہ اب تو لگتا ہے کہ اور اتنے مسائل اور بکھيڑے ہو گۓ ہيں کہ کشمير کا مسئلہ نا چاہتے ہُوۓ بھی کہيں دُور اندھيروں کی نزر ہونے لگا ہے حالانکہ کہتے ہيں نا „نواں نودن اور پُرانا سو دن „ليکن نويں مسئلے اتنے عجيب ہيں کہ دردمند دل رکھنے کے باوجُود ہر آنے والے دن کے مُنہ کھولے سامنے آتے دُکھ زيادہ تکليف دہ ہوتے جا رہے ہيں جن کا کوئ وقت کوئ حد مُقرّر نہيں کون جانے کس وقت کدھر سے کون سا انسانی دو ٹانگوں والا بم آ کر ٹکراجاۓ اور پيچھے رہ جانے والے انسان ٹُکڑوں ميں تبديل کر دۓ جاتے ہيں گو کشميريوں کا دُکھ بہت گھمبير ہے ليکن وہ لوگ اس يقين اور بھرم کے سہارے تو جی رہے ہيں نا کہ کسی دن آزادی اُن کا مُقدّر ہوگی ليکن ہمارے مُتعلق کيا سوچ ہے جس کی تان يہاں آکر ٹُوٹ جاتی ہے کہ اللہ نا کرے ہماری آزادی جن لوگوں کے ہاتھوں ميں کٹھ پتلی بنی ہُوئ ہے اے کاش کہ وہ اس کو سلامت رہنے ديں گو سازشوں کے پلندے تو کوئ اور ہی کہانی سُنا رہے ہيں دُعا کريں کہ ہم بھی کہہ سکيں
ستم شعاروں سے تجھ کو چھڑائیں گے اک دن
کہ ہم توآزاد ہوتے ہُوۓ بھی آزادی کا مفہُوم ،مطلب تک نہيں جانتے دُوسروں کو کيا ديں گہ ہم تو خُود خالی ہاتھ ہيں اس کا کيا کيجيۓ گا؟
اپنا خيال رکھيۓ گا
دُعاگو
شاہدہ اکرم
شاہدہ اکرم صاحبہ ۔ السلامُ عليکُم و رحمة اللہ
آپ کی نیک دعاؤں کا مشکور ہوں ۔ جزاک اللہِ خیرٌ
ہمارے لیڈروں نے قوم کو پیسے اور بے حیائی کی دوڑ میں لگا دیا ہے ۔ کسی کو فکر نہیں کہ کل کو اس کا کیا بنے گا۔ اللہ تعلٰی کا ارشاد ہے کہ جیسی قومیں ہوتی ہیں ان پر ویسے ہی حاکم مسلط کر دیئے جاتے ہیں ۔ میرے بلاگ کے بائیں حاشیہ مین تو آپ نے پڑھا ہی ہو گا کہ انسان کو وہی ملتا ہے جس کی وہ کوشش کرے ۔
آپ کی دعائیں پڑھ پڑھ کر میں آپ سے دعائیں لینے کا عادی ہوتا جا رہا ہوں بغیر آپ کا کوئی کام کئے ۔ :smile:
اللہ سدا خوش رکھے