میں کیا ہوں ۔ ۔ ۔ ۔ ۔ ۔ ۔ ۔ What Am I

إِنَّ الله لاَ يُغَيِّرُ مَا بِقَوْمٍ حَتَّی يُغَيِّرُواْ مَا بِأَنْفُسِہِمْ (سورت13الرعدآیت11) ترجمہ ۔ الله تعالٰی کسی قوم کی حالت نہیں بدلتا جب تک وہ خود اسے نہ بدلیں جو ان کے دلوں میں ہے ۔ ۔ ۔ وَأَن لَّيْسَ لِلْإِنسَانِ إِلَّا مَا سَعَی (سورت 53 النّجم آیت 39) ترجمہ ۔ اور یہ کہ ہر انسان کیلئے صرف وہی ہے جس کی کوشش خود اس نے کی ۔ ۔ ۔ سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ ۔ ۔ ۔ ميرا مقصد انسانی فرائض کے بارے میں اپنےعلم اور تجربہ کو نئی نسل تک پہنچانا ہے ۔ ۔ ۔ رَبِّ اشْرَحْ لِی صَدْرِی وَيَسِّرْ لِی أَمْرِی وَاحْلُلْ عُقْدة مِنْ لِسَانِی يَفْقَھُوا قَوْلِی

بُلبُل اور جُگنُو

ایک سبق آموز نظم جو ہم نے چھٹی جماعت میں پڑھی تھی

ٹہنی پہ کسی شجر کی تَنہا

بُلبُل تھا کوئی اُداس بیٹھا

کہتا تھا کہ رات سر پہ آئی

اُڑنے چُگنے میں دن گزارا

پُہنچُوں کس طرح آشیاں تک

ہر چیز پہ چھا گیا اندھیرا

سُن کر بُلبُل کی آہ و زاری

جُگنُو کوئی پاس ہی سے بَولا

حاضر ہوں مدد کو جان و دل سے

کِیڑا ہوں اگرچہ میں ذرا سا

کیا غم ہے جو رات ہے اندھیری

میں راہ میں روشنی کروں گا

اللہ نے دی ہے مُجھ کو مَشعَل

چَمکا کے مجھے دِیا بنایا

ہیں لوگ وہی جہاں میں اچھے

آتے ہیں جو کام دوسروں کے

Leave a Reply

This site uses Akismet to reduce spam. Learn how your comment data is processed.