آج اللہ کے فضل و کرم سے میرے اس بلاگ کو شروع ہوئے 9 سال ہو گئے ہیں
میں نے اپنا یہ بلاگ 2005ء میں بنایا اور اس پر پہلی تحریر 5 مئی 2005ء کو شائع کی اور الحمدللہ میں آج تک 2033 تحاریر لکھ چکا ہوں
اللہ سُبحانُہُ و تعالیٰ نے جب تک توفیق دی یہ بلاگ چلتا رہے گا
گذشتہ 9 سالوں میں میرے بلاگ پر لکھی مختلف تحاریر کو 331453 قارئین کے پڑھا اور 12338 قارئین نے اپنے مفید خیالات سے نوازہ ۔ حوصلہ افزائی کیلئے میں ان سب کا شکر گذار ہوں
فوائد
1 ۔ اچھے لوگوں سے تعارف ہوا
2 ۔ کچھ سے ملاقات بھی ہوئی
3 ۔ بہت سی بھتیجیاں اور بھتیجے بنے جن میں سے کچھ بلاگنگ کو خیر باد کہہ گئے ہیں لیکن اُن کی ذرہ نوازی ہے کہ مجھ سے کبھی کبھی رابطہ کرتے ہیں
4 ۔ نئی باتیں سیکھیں
5 ۔ ہمدرد یا مددگار ملے
6 ۔ لکھنے کیلئے بہت کچھ پڑھا جس سے عِلم میں اضافہ ہوا
7 ۔ وقت اچھا گذرا ۔ یعنی کسی کی چُغلی یا غیبت یا شیطان کی کوئی اور بات سُننے کا وقت کم ملا
کند ذہن ہوں ۔ ہو سکتا ہے کوئی فائدہ لکھنا بھول گیا ہوں ۔ یاد دِلا دیں تو نوازش ہو گی
نقصانات
مجھے تو کوئی نظر نہیں آیا
دوسرے بلاگران اس سلسلہ میں میرے علم میں اضافہ کر سکتے ہیں
مبارک ہو محترم ۔ ۔
اپنے بھتیجوں میں مجھے بھی شامل کیجئے گا۔ ۔ ۔
دعا ہے کہ اللہ سبحانہ و تعالی آپ کے علم و عمر میں برکت عطا کرے۔ آمین
نور محمد صاحب
شکریہ ۔ اللہ جزائے خیر دے
بہت بہت مبارک نو قبول فرمائیں۔
اللہ تعالی آپ کو صحت و تندرستی عطا فرمائے۔یقینا آپ کی شخصیت ایسی ہے کہ لوگ آپ کو یاد رکھتے ہیں۔ آپ کے بلاگ اور اس کے علاوہ بھی بہت کم کمنٹس کر پاتا ہوں۔ مگر آپ جس طرح ہم جیسے بلاگر کو پزیرائی بخشتے ہیں قابل تعریف ہے۔
اللہ سبحان تعالی آپ کے علم میں مذید اضافہ فرمائے آمین
محمود الحق صاحب
شکریہ ۔ اللہ جزائے خیر دے
بہت مبارک ہو. اللہ آپ کو اچھی صحت اور آپ کے قلم کو اور بھی رواں دواں رکھے اور ہمیں آپ کے علم سے مستفید ہونے کی توفیق دے. آمین
نعیم خان صاحب
شکریہ ۔ اللہ آپ کی دعائیں قبول کرے اور جزائے خیر دے
بہت مبارک ہو آپ کو ۔۔۔ اسی طرح اپنی تحریروں سے ہماری رہنمائی فرماتے رہیں
خوش رہیں
سیما آفتاب صاحبہ
شکریہ
السلام علیکم و رحمۃاللہ و برکاتہ۔ ۹مئی کا دن میرے لئے بھی تاریخی دن ہے چاچو۔ ۹ مئی کی تاریخ میں مجھے پہلی دفعہ پاکستان جانے کا موقع ملا۔
اللہ آپکو سدا خوش رکھئے۔ آ٘مین۔
مالدیبی صاحب
و علیکم السلام و رحمۃ اللہ و برکاۃ ۔ اللہ آپ کو جزائے خیر دے آمین ثم آمین ۔ آپ مالدیپ میں رہتے ہیں ۔ بہت خوشی ہوئی آپ سے مل کر ۔ آپ پاکستان کس سال اور سلسلہ میں تشریف لائے تھے ؟